Մհեր Մարկոսյանը կպայքարի ոսկե մեդալի համար

Իսպանիայի Պոնտեվեդրա քաղաքում անցկացվող ըմբշամարտի Եվրոպայի երիտասարդական առաջնությունում պայքարի մեջ են մտել ազատ ոճի ըմբիշները: 86 կգ քաշային կարգում Հայաստանը ներկայացնող Մհեր Մարկոսյանը կպայքարի ոսկե մեդալի համար։

Մհերը որակավորման փուլում 6։4 հաշվով հաղթեց Շվեդիան ներկայացնող Մոհամադ Սարդար Տիմորիին, 1/8 եզրափակչում 10։0 հաշվով հաղթեց իսպանացի Սանտիագո Սանչես Վարելային, 1/4 եզրափակչում 6։2 հաշվով հաղթեց բելառուս Յարոսլավ Յադկուսկիին, իսկ 1/2 եզրափակչում հաղթեց ռուսաստանցի Սլավիկ Նանիևին և դուրս եկավ եզրափակիչ, որտեղ նրա մրցակիցը կլինի վրացի Միրիանի Մաիսուրաձեն։