Ռուդիկ Մկրտչյանն ազատման դիմում է ներկայացրել․ ՀԲՖ-ի հայտարարությունը

Հայաստանի բռնցքամարտի ֆեդերացիան հայտարարություն է տարածել՝ նշելով, որ հավաքականի գլխավոր մարզիչ Ռուդիկ Մկրտչյանն աշխատանքից ազատման դիմում է ներկայացրել։

«Ինչպես գիտեք Հայաստանի ազգային օլիմպիական կոմիտեն միջամտում է մարզիկների ընտրության հարցին՝ ովքեր պետք է մասնակցեն Եվրոպական խաղերին և թիմի մեջ ներառել է մարզիկների, որոնք չեն հանդիսանում հավաքական թիմի անդամներ, ուստի մեր գլխավոր մարզիչը դիմում է ներկայացրել և չի ցանկանում շարունակել իր աշխատանքը որպես գլխավոր մարզիչ։

Ահազանգում ենք և կոչ ենք պատկան մարմիններին շտապ արձագանքել և վերջ դնել այս անօրինականություններին։ Ո՛չ մի պարագայում, ո՛չ մի կառույց իրավունք չունի միջամտել գլխավոր մարզչի աշխատանքին՝ մարզիկների ընտրության հարցում»։