«Տպավորություն է՝ պետական կառավարական համակարգը հանրապետականացվում է»․ լրագրողը՝ Նիկոլ Փաշինյանին

«Այս ՏԻՄ ընտրություններում 5-6 նախկին հանրապետական գլխավորում են ՔՊ ցուցակը, կամ կոալիցիա են կազմել, իսկ պետական կառավարման համակարգում բազմաթիվ նախկին հանրապետականներ կան։ Տպավորություն է, որ պետական կառավարական համակարգը հանրապետականացվում է։ Դուք տեղյա՞կ չեք դրանից»,- ճեպազրույցի ժամանակ լրագրողն այս հարցով դիմեց վարչապետ Նիկոլ Փաշինյանին։
«2018թ․ մենք Հայաստանում իրականացրել ենք ոչ բռնի թավշյա հեղափոխություն և ասել ենք, որ բոլորն ունեն շանս այդ հեղափոխությանն ինտեգրվելու։ Այդ շանսից օգտվել են, այդ թվում՝ նախկին հանրապետականներ, նախկին դաշնակցականներ, նախկին ԲՀԿ-ականներ և մնացած բոլոր կուսակցություններից։ Եթե պարզվի, որ մարդիկ այդ շանսից օգտվել են և մնացել են հանրապետական՝ իրենց հետ տեղի է ունենալու այն նույնը, ինչ-որ նախկինում և հիմա տեղի է ունենում այն մյուսների հետ»,- պատասխանեց Փաշինյանը։