«Իրանը պատրաստվում է ներկայացնել նոր զինատեսակ, որն անվանել է «բոլոր ռումբերի հայր»»․ ԻՀՊԿ

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ պատրաստվում է ներկայացնել զենքի նոր տեսակ, որն անվանել է «բոլոր ռումբերի հայրը», հայտնում են իրանական լրատվամիջոցները։

«Մենք գտնվում ենք «բոլոր ռումբերի հոր» ներկայացման նախապատրաստական փուլում։ Հակառակորդի համար սա նորություն է», — հայտարարել է ԻՀՊԿ ներկայացուցիչ Հոսեյն Մոհեբբին։ Նա մանրամասներ չի հայտնել Իրանի զինանոցում հայտնված նոր տեսակի զենքի մասին։

Ավելի վաղ ամերիկյան լրատվամիջոցները, հղում կատարելով տարբեր աղբյուրների, հայտնել էին, որ ԱՄՆ նախագահ Դոնալդ Թրամփը հրահանգել է մշակել Իրանի էներգետիկ ենթակառուցվածքներին հարվածելու ծրագրեր՝ օգտագործելով այսպես կոչված «բոլոր ռումբերի մայրը» (ԱՄՆ զինանոցում առկա ամենամեծ ոչ միջուկային ավիառումբը), եթե նա որոշի վերսկսել ռազմական գործողությունները։