Երևան`   +18 °C
Այսօր`   Շաբաթ, 21 նոյեմբերի, 2026 թ.

«Ժողովուրդն իշխանություններին մանդատ չի տվել սահմանադրական հանրաքվե կազմակերպելու համար»․ Դերենիկ Մալխասյան

62
Այսօր, 15:12
«Ժողովուրդն իշխանություններին մանդատ չի տվել սահմանադրական հանրաքվե կազմակերպելու համար»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը՝ կից տեսանյութով․ «Ժողովուրդն իշխանություններին մանդատ չի տվել սահմանադրական հանրաքվե կազմակերպելու համար։ Իսկ ընդդիմությունը մանդատ է ստացել հանրաքվեն թույլ չտալու համար։ Այս ստատուս քվոն կարող է փոխվել միայն նոր խորհրդարանական ընտրությունների գնալով։ Գործող խորհրդարանը լեգիտիմ չէ. այդ փաստն ընդունում են թե՛ ընդդիմությունը, թե՛ իշխանությունը, թե՛ հասարակությունը։ Այն պետք է ցրել ու գնալ նոր ընտրությունների։
Մինչ այդ բանտերից պետք է ազատվեն բոլոր քաղբանտարկյալներն անխտիր։ Քաղաքական ազատություններն ու իրավունքները պետք է երաշխավորված պաշտպանվեն՝ բացառելով ակտիվ քաղաքական գործընթացների ժամանակ Նիկոլ Փաշինյանի կողմից քաղաքական բռնաճնշումները։ Հրաժարական պետք է տան քաղաքական բռնաճնշումների մեջ ներքաշված ուժային մարմինների ղեկավարներն ու նրանց ենթակաները։
Պաշտոնանկ պետք է արվի ՀՀ ԿԸՀ նախագահ Վահագնը, նրա փոխարեն այդ պաշտոնը պետք է ստանձնի կոնսենսուսային թեկնածու»։

«Ժողովուրդն իշխանություններին մանդատ չի տվել սահմանադրական հանրաքվե կազմակերպելու համար»․ Դերենիկ Մալխասյան