«Ասում են՝ ինչի՞ եք 31 միլիոն ծախսում, COP անում, եկեք գնանք քյաբաբ-խաշ ուտենք, «Բրաբուս» առնենք»․ Նիկոլ Փաշինյան

«Մենք հետևողական քաղաքականություն ենք վարում, որպեսզի Հայաստանի ճանաչելիությունը բարձրանա»,- այս մասին այսօր ճեպազրույցում նշել է վարչապետ Նիկոլ Փաշինյանը՝ անդրադառնալով «COP 17-ը Հայաստանում անցկացնելու վերաբերյալ քննադատություններին։

«Այդ 31 միլիոնի մասին, որ խոսում են, այդ մարդիկ թող դուրս գան Երևան քաղաք և մտնեն հյուրանոցներ, որոնք լիքն են և տեղ չկա, մտնեն սրճարաններ, ռեստորաններ, որոնք լիքն են և տեղ չկա․․․ Գիտե՞ք ովքեր են բողոքում, որ 31 միլիոն դրամ է ծախսվելու COP 17-ի համար, այն մարդիկ են, որոնց վարած քաղաքականության արդյունքում երբ որ Հայաստանից մի յաշիկ ծիրան պակաս արտահանվեր, երկիրը կոլապսի առաջ էր կկանգներ, իրենք ասում են՝ ի՞նչի եք 31 միլիոն ծախսում, COP անում, եկեք գնանք քյաբաբ-խաշ ուտենք, «Բրաբուս» առնենք․․․

Հայաստանը դիրքավորվում է որպես միջազգային հանդիպումները բարձր մակարդակով անցկացնող երկիր․․․COP 17-ի համար ծախսված ամեն մի լումա վերադառնալու է Հայաստանի տնտեսությանը»,- ընդգծեց Փաշինյանը։