ԱԱԾ տնօրենի հրաժարականն են ուզում. «Հրապարակ»

«Հրապարակ»-ը գրում է. «Շաքիի խայտառակ դեպքը բուռն քննարկվում է նաև իշխող թիմում, ՔՊ-ականներից շատերի համոզմամբ էլ՝ այդ միջադեպն ամբողջությամբ հօդս է ցնդեցրել իրենց հավաստիացումները՝ ապահով սահմանների, խաղաղության և այլնի մասին, ուստի մեղավորներն արժանի պատիժ պետք է ստանան։

Նրանք կարծում են, որ ԱԱԾ տնօրենի տեղակալ Դավիթ Սանամյանը պարզապես քավության նոխազ է դարձել․ պետք է դրվի տնօրենի՝ Անդրանիկ Սիմոնյանի պաշտոնանկության հարցը: Իսկ պաշտպանության նախարար Սուրեն Պապիկյանի հետ կապված՝ թիմում չկա միակարծություն․ նրա կողմնակիցները պնդում են, թե սահմանախախտ զինվորով պետք է զբաղվեին ԱԱԾ սահմանապահ զորքերը, նրան չսիրողները պնդում են, որ եթե բանակն իր տեղում լիներ, միջադեպ չէր գրանցվի։ Չի բացառվում, որ ԱԱԾ տնօրենը կանչվի խորհրդարան»: