Նեպալի իշխանություններն ավարտում են որոնողափրկարարական աշխատանքները. 5300 մարդ անհայտ կորած է

Նեպալի իշխանությունները որոշել են դադարեցնել անհետ կորածների որոնումները օգոստոսին տեղի ունեցած ջրհեղեղներից հետո, որոնց զոհ է դարձել առնվազն 1455 մարդ։ Այս մասին գրում է Reuters-ը։

Առնվազն 5285 մարդ անհայտ կորած է համարվում։ Նեպալի աղետների կառավարման ազգային կենտրոնի ղեկավար Պանինդրա Պաուդելն ասել է, որ իշխանությունները ուսումնասիրում են նրանց մահացած ճանաչելու հնարավորությունը, որպեսզի իրենց սիրելիները կարողանան կատարել իրավական ձևակերպումները: Նեպալի աղետների ռիսկի նվազեցման ազգային մարմնի ղեկավար Դհարամ Ռաջ Ուպրետին ասել է, որ երկրում այլևս զոհերի մարմինների ակտիվ որոնում չի իրականացվի։ Անհրաժեշտության դեպքում հնարավոր են փրկարարական աշխատանքներ։ Շուրջ 5 միլիարդ դոլար է պահանջվում տուժած շրջանները վերականգնելու և վիրավորներին բուժելու համար։

Օգոստոսի 26-ի առավոտյան Նեպալում Չինաստանի հետ սահմանին ձնահյուսի հետևանքով առաջացած ջրհեղեղ է տեղի ունեցել։ Սեպտեմբերին Համաշխարհային բանկը 170 մլն դոլար է հատկացրել երկրին՝ միջադեպի հետևանքները վերացնելու համար։