«Քառօրյայի օրակարգում հակասահմանադրական հարց կա». Գեղամ Մանուկյան

Արդեն հայտնել էինք, որ Ազգային ժողովի 2026 թվականի հոկտեմբերի 6-ին գումարվող հերթական նիստերի օրակարգում ընդգրկվել են հետևյալ հարցերը. 1. «Հայաստանյայց Առաքելական Սուրբ Եկեղեցու մի շարք հոգևորականների գործունեության արդյունքում եկեղեցում առաջացած ճգնաժամի և դրա արդյունքում հայ ժողովրդի հոգևոր կյանքում, նրա ազգային մշակույթի զարգացման և ազգային ինքնության պահպանման գործում Հայաստանյայց Առաքելական Սուրբ Եկեղեցու բացառիկ առաքելության չկատարման խնդիրներն ուսումնասիրող» քննիչ հանձնաժողովի անդամների թիվը սահմանելու վերաբերյալ, 2. «Հայաստանի Հանրապետության տոների և հիշատակի օրերի մասին» օրենքում լրացում կատարելու մասին:

Դիմելով ԱԺ նախագահ Ռուբեն Ռուբինյանին՝ «Հայաստան» խմբակցությունից Գեղամ Մանուկյանն ասաց. «Դուք երբևէ մտաբերո՞ւմ եք, որ քառօրյան օրակարգում ունենա մեկ հակասահմանադրական հարց ու ընդամենը օրակարգում լինի մեկ հարց»: Ռուբինյանն ասաց՝ հակասահմանադրական հարց չկա, քառօրյայում կա երկու հարց: