«Ինչո՞ւ չեն եղել ադրբեջանցուն բռնելու, մեքենա նստեցնելու տեսանյութեր»․ Լևոն Քոչարյան

«Տեսանյութեր եղե՞լ են՝ ադրբեջանցուն ինչպես են բռնում, ինչպես են նստեցնում մեքենա, չեն եղե՞լ, իսկ ինչո՞ւ չեն եղել, այսինքն՝ միայն ընդդիմադիրներին բռնելո՞ւց են պետք այդ տեսանյութերը, որ Հ1-ն անընդհատ ցուցադրում է»,- ասուլիսի ժամանակ ասել է ԱԺ «Հայաստան» խմբակցության պատգամավոր Լևոն Քոչարյանը՝ խոսելով Շաքիում տեղի ունեցածի մասին: «Օրինակ ես շատ կուզեի տեսնել, թե ինչպես են բռնում, ինչպես են տանում ադրբեջանցուն։ Ինչո՞ւ պիտի, երբ Գագիկ Ծառուկյանի տուն են մտնում, գետնին են գցում, այս ամենը տան, բայց մենք չտեսնենք, թե հայ ընտանիք մտած, երեխեքին պատանդ վերցրած, կնոջը կրակած ադրբեջանցուն ինչպես են բռնում, տանում. որովհետև կարող ա վնասի իրենց խաղաղության օրակարգին»,- հավելել է ընդդիմադիր գործիչը։