«Մեր գերլեգիտիմ և ուլտրա-ինքնիշխան վիժվածքն ինչ հեքիաթ ասես՝ պատմեց»․ Արթուր Դանիելյան

«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը. «Մեր գերլեգիտիմ ու ուլտրա-ինքնիշխան վիժվածքը մի քանի տարի տարավ-բերեց, ինչ հեքիաթ ասես պատմեց մոդուլյար ատոմակայանների մասին ու հայտարարեց, որ կառուցելու ենք ռուսական ստանդարտ 1 գվտ-անոց ատոմակայան: Նույն ձև անընդհատ արծարծում էր երկաթգծի հարցը, բայց պարզվեց, որ քննարկման ենթակա է միայն ռուսական տարբերակը: ԵՄ մտնելու մասին օրենք ընդունեց, որը, պարզվում է, համապատասխան հանրաքվեից, այսինքն՝ բուն մտնելու պրոցեսից խուսափելու համար էր: Ասում էր՝ ռուսները մեզ դաշնակից չեն, բայց ոչ ՀԱՊԿ-ից ա դուրս գալիս, ոչ էլ ՌԴ ռազմաբազան է ուզում հանել: Թրիփփ պիտի սարքեր, բայց ՍԴ-ում պայմանագիրը վավեր ճանաչելուց հետո այն պիտի ուղարկվեր ԱԺ, ու մեկ էլ ձեն-ձուն չկա, իսկ Մոսկվայում հրապարակում են Պուտինի անվան ճանապարհի նախագիծը: Երկու տարի ա՝ Կաթողիկոս ա հանում, բայց հանելու փոխարեն ինչ-որ զեկույցներ ա հրապարակում, քննիչ հանձնաժողով ա ուզում ստեղծի, իր դատավորներն էլ հերթով հրաժարվում են նույնիսկ վարչական հոդվածով գործ քննել Վեհափառի նկատմամբ: Ալիևի պահանջած սահմանադրությունն ընդեղ ա՝ սառույցին գրվում: Ոչ Գազպրոմին այլընտրանքային գազ ա բերում, ոչ էլ ՀԷՑ-ն ա խլում...
Բնական է՝ Հայաստանում գործող գրանտակերների ու աղանդավորների ցանցը մանրից հելնելու են իրենց երբեմնի անսխալական սրբության շալակը: Հեսա մանրից հիշելու են, որ Արցախ է հանձնվել, որ դա հայերի բնօրրան էր, որ 5000 տղա դավադրաբար փուռը տվին, հայերին էթնիկ զտման ենթարկեցին... Հեսա սաղ հիշելու են...
Հ.Գ. Զուտ իմիջիայլոց ասեմ, իմանաք, որ 1 գվտ-անոց ատոմակայանը նախագծվում և կառուցվում է մոտ 12 տարի (մինչդեռ մեր ատոմակայանը պիտի փակվի 2036-ին): Դրա արժեքը կազմելու է մոտ 8 մլրդ դոլար, որը ոչ ՀՀ-ն ունի, ոչ էլ նույնիսկ ներկայիս ՌԴ-ն: Նույնիսկ եթե գումարը գտնվի էլ, այդ վարկի մարման ժամկետը լինելու է 50 տարի, այն էլ միայն այն պարագայում, եթե ատոմակայանի արտադրած էլեկտրաէներգիան սպառվի ամբողջովին, մինչդեռ մեր ներկա սպառման պարագայում այն կաշխատի ընդամենը 30%-ով: Այսինքն՝ վարկի մարման ժամկետը պիտի լինի 150 տարի... Հիմա պատկերացրեք՝ ո՞վ է այն անասունը, որ 8 մլրդ դոլար փող կտա ներկայիս Հայաստանին 50 տարի մարման ժամկետով (լավագույն ու շատ անիրատեսական պարագայում): Մանավանդ հաշվի առնելով, որ 2026-ին մեզ խոստացված 750 մլն դոլար վարկերից տրամադրվել է ընդամենը 70 մլն-ը...»։