«Արցախահայերի հարցերն ավելի շատ կապում եմ Ալիևի հետ»․ Գառնիկ Դավթյան

«Իրականում արցախահայերի հարցերը, խնդիրները ես ավելի շատ կապում եմ Իլհամ Ալիևի հետ։ Ինչու եմ այսպես ասում, որովհետև ինձ համար քաղաքական դաշտում Նիկոլ Փաշինյանը որպես քաղաքական գործոն այլևս չկա՝ Արցախի մասով»,- «Արցախը երեք տարի անց․ փաստեր, քաղաքական պատասխանատվություն և ապագայի օրակարգ» թեմայով քննարկման ժամանակ ասել է ԱԺ «Ուժեղ Հայաստան» խմբակցության պատգամավոր Գառնիկ Դավթյանը։ «Մենք տեսել ենք այդ տրանսֆորմացիան 2018թ-ից մինչև 2020 թվական, 20-ից հետո՝ 23 և 26, այսինքն՝ 20-ից հետո ավելի է խորացել և ընդգծվել այդ ատելությունն Արցախի նկատմամբ։ Մեր ներքին խաղաղությունը՝ համակեցության և փոխըմբռնման առումով, կարևոր է հետագա քաղաքականության մշակման հարցում։ Ցավոք, այսօր ունենք այնպիսի ատելության դոզա և անյպիսի ընդգծված մոտեցում տարբեր քաղաքական խմբերի և Արցախի նկատմամբ, որը, թերևս, լուրջ մարտահրավեր է և պրոբլեմների տեղ է տալիս»,- նշել է ընդդիմադիր պատգամավորը։