«Ռոբերտ Քոչարյանը երբեք բիզնեսով չի զբաղվել»․ Լևոն Քոչարյան

«5-րդ ալիք»-ի եթերում պատասխանելով հարցին՝ ճի՞շտ ենք հասկանում, որ Ռոբերտ Քոչարյանը որևէ գործարքի չի գնացել, չի ասել՝ այսինչ բիզնեսում գուցե այնքան էլ ճիշտ չէի ու կարող եմ տալ պետությանը, ընդդիմադիր պատգամավոր Լևոն Քոչարյանն ասել է․ «Ռոբերտ Քոչարյանը երբեք բիզնեսով չի զբաղվել, իրականում չի զբաղվել։ Իմ ընկերության հետ կապված, որտեղ ես ունեմ մասնակցություն, Սեդրակի հետ կապված, ինքը երբեք որևէ ձևով առնչություն չի ունեցել այդ ամենի մեջ, ուստի չէր կարող նման բան ասել։ Երկրորդ, երբ գնում ես ինչ-որ զիջման, առնվազն հանրային մակարդակում նշանակում է, որ ընդունում ես՝ ինչ-որ բան ապօրինի է․․․ Իհարկե չենք ընդունում»։