«Մեծ պահանջարկ ունեցող համարանիշերի գները 250 հազարից մինչև 8 միլիոնի միջակայքում են»․ Ռուսլան Մարանդյան

«Մեծ պահանջարկ ունեցող համարանիշերի շարքում ներառվել են այնպիսի համադրություններ, որոնք քաղաքացիների շրջանում մեծ հետաքրքրություն են ներկայացնում, խոսքը թվային հատվածում «00»-ի և կրկնվող թվեր պարունակող համարանիշերի մասին է՝ նույն կամ տարբեր լատինական տառերի համադրությամբ»,- ասուլիսի ժամանակ հայտնել է ՆԳՆ իրավաբանական վարչության պետ Ռուսլան Մարանդյանը։
«Ինչ վերաբերում է հարմարանիշերի գներին՝ գնային սեգմենտը 250 հազարից մինչև 8 միլիոնի միջակայքում է սահմանվել։ Օրինակ 250 հազար դրամի սեգմենտում այսպիսի համադրություն ենք ավելացրել, ասենք՝ 00 AB 771»,- նշեց Մարանդյանը՝ հավելելով, որ խոսքը հաշվառման այն համարանիշերին է վերաբերում, որոնք պարունակում են 7 նիշ, այսինքն՝ մոտոցիկլետներին չի վերաբերում: