«Մենք պատրաստ ենք Կոռնիձորից Երասխով ապահովել Ադրբեջանի արևմտյան շրջանների և Նախիջևանի կապը». Նիկոլ Փաշինյան
![]() «Հաղորդակցությունների հետ կապված՝ մենք առաջ ենք գնում, աշխատում ենք շատ ակտիվ»,- այդ մասին լրագրողների հետ ճեպազրույցում ասաց վարչապետ Նիկոլ Փաշինյանը: «Ընկալում կա Ադրբեջանում, Թուրքիայում, որ կարո՞ղ է Հայաստանը փորձի ձգձգել: Ինչի՞ համար Հայաստանը պետք է փորձի ձգձգել: Մենք, ընդհակառակը, ուզում ենք՝ րոպե առաջ այդ խնդիրը լուծվի. րոպե առաջ՝ առանց չափազանցության, որովհետև դա ֆունդամենտալ կարևոր հարց է մեր այսօրվա և ապագայի մեր պատկերացրած ճարտարապետությունը իրականացնելու տեսակետից․․․ Մենք պատրաստ ենք Կոռնիձորից Երասխով ապահովել Ադրբեջանի արևմտյան շրջանների և Նախիջևանի Ինքնավար Հանրապետության կապը: Շատ կարևոր է արձանագրել, թե ինչու ենք մենք այս առաջարկն անում, որովհետև մենք հիմա փաստացի Ադրբեջանի երկաթուղուց օգտվում ենք: Չենք ուզում, որ մեր օգտվելը լինի միակողմանի, ուզում ենք, որ մենք էլ, համապատասխանաբար, քայլ քայլի դիմաց մեր քայլն անենք: Մի անգամ առաջարկել ենք Թուրքիա-Ադրբեջան հաղորդակցությունը, հիմա առաջարկում ենք Կոռնիձորից Երասխով Ադրբեջանի արևմտյան շրջանների և Նախիջևանի Ինքնավար Հանրապետության միջև և հակառակ ուղղությամբ կապն ապահովել, մանավանդ որ ԻԻՀ-ում տեղի ունեցող իրադրությունների պայմաններում ոնց որ թե հարավով այդ կապի հետ կապված խնդիրներ կան: Ինչո՞ւ ենք այս երթուղին առաջարկում: Որովհետև ուրիշ երթուղի չկա, որ պատրաստ ճանապարհ լինի. չկա: Դա այսօր հնարավոր է օգտագործել: Երասխի հատվածում մի փոքր վերանորոգման անհրաժեշտություն կա, բայց նույնիսկ առանց վերանորոգման այսօր էլ մեքենա կարող է գալ-անցնել: Եթե հարմար դիտվի՝ Իջևան-Ղազախ հատվածով էլ կարող ենք ապահովել, այսինքն՝ այնտեղ էլ մի կտոր կա, որ տեսականորեն կարող են մեքենաներն անցնել»,- նշեց վարչապետը: |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
