«Իմ ցուցումով է եղել, ես խնդրել եմ, որ նա հրաժարականի դիմում գրի»․ Նիկոլ Փաշինյան

«Այո, իմ ցուցումով է եղել, ես խնդրել եմ, որ նա հրաժարականի դիմում գրի»,- այս մասին այսօր ճեպազրույցի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով Ցեղասպանության ինստիտուտ թանգարանի տնօրեն Էդիտա Գզոյանի հրաժարականի դիմումին։

Ճշտող հարցին՝ այսինքն՝ թանգարանի տնօրենը հեռացվել է այն բանի համար, որ ԱՄՆ փոխնախագահ Վենսին Արցախի վերաբերյալ գի՞րք է նվիրել, Փաշինյանը պատասխանեց. «Այո՛։ Ես դա համարել եմ կառավարության վարած արտաքին քաղաքականությանը հակառակ գործողություն, ես դա համարել եմ սադրիչ գործողություն»։