«Բացի ընտրություն կոչված տուն-տունիկից՝ այս խայտառակությունից ազատվելու այլ ճանապարհ չկա՞»․ Միհրան Հակոբյան

Պատմաբան, պատմական գիտությունների թեկնածու Միհրան Հակոբյանի ֆեյսբուքյան գրառումը. «Նիկոլը Եվրոպական խորհրդարանի ամբիոնից իր տերերին զեկուցում է, որ Ղարաբաղի հարցը փակ է, ու ինքը թույլ չի տալու վերաբացումը: Եվրախորհրդարանի պատգամավորնելն էլ հոտնկայս ծափահարում են Հայոց պատմության մեջ նախադեպը չունեցող այս թշնամուն:
Այսինքն՝ եվրոպացի ֆաշիստները ծափահարում են հազարավոր տարիների հայկական Արցախը թուրքին հանձնած պահելուն և հայ ժողովրդի էթնիկ զտմանը: Այո, եվրոպացի ֆաշիտները, որովհետև հրեաների էթնիկ զտմանը ու հայրենազրկմանը ծափահարում էին 1930-1940-ականների եվրոպացի ֆաշիստները, որոնց ցրթած սերունդն այսօր ծափահարում է հայերի էթնիկ զտմանն ու հայրենազրկմանը: Ակնհայտ է, որ 1945-ին Էլբայի վրա հանդիպած ամերիկյան ու սովետական զորքերն իրենց գործն ավարտին չեն հասցրել ու չեն կարողացել Եվրոպան մինչև վերջ դենացիֆիկացնել:
Հիմա հարց ընդդիմադիրներին. դուք այս քայլող խայտառակության հետ բանավեճ ունե՞ք, որ պատրաստվում եք ընտրությունների մասնակցել: Վստա՞հ եք, որ այս խայտառակությունը չի կեղծելու ընտրության արդյունքները՝ եվրոպացի ֆաշիստների օվացիաների ներքո: Վստա՞հ եք, որ բացի ընտրություն կոչված տուն-տունիկից, այս խայտառակությունից ազատվելու այլ ճանապարհ չկա»։