«Երբևէ որևէ մեկի հետ չեմ ունեցել Հայ դատի մասին քննարկում»․ Մարիա Կարապետյան

ԱԺ «Քացաքացիական պայմանագիր» խմբակցության պատգամավոր Մարիա Կարապետյանը ֆեյսբուքյան էջում գրել է. «․․․Տեղեկացա, որ «Հայ դատի հանձնախումբը» հաղորդագրություն է հրապարակել՝ «Բացահայտվել է Հայ դատի Ամերիկայի հանձնախմբի դեմ ադրբեջանական արշավ՝ ազգությամբ հայերի, այդ թվում ՀՀ ԱԺ պատգամավորի ներգրավմամբ» վերնագրով։
Տեղեկացնում եմ, որ ես չեմ ճանաչում հաղորդագրության մեջ հիշատակվող կազմակերպություններից որևէ մեկին կամ դրանց աշխատակիցներին և երբևէ որևէ մեկի՝ հայ թե օտարազգի, չեմ ունեցել Հայ դատի մասին որևէ քննարկում, որը կարող է թեկուզ թեթևակի նմանվել նրան, ինչ գրված է «բացահայտման» մեջ։
Հ.Գ. Այս պահին Եվրոպական խորհրդարանում Հայաստանի Վարչապետի ելույթի առիթով Ստրասբուրգ քաղաքում եմ, որտեղ քիչ առաջ Վարչապետի և ԵԽ նախագահի կողմից բացվեց Հայաստանի կողմից ընծայված հուշաքանդակը»։