«Դոնալդ Թրամփն ինքը կորոշի, թե երբ Իրանն այլևս սպառնալիք չի ներկայացնի». Սպիտակ տուն

Դոնալդ Թրամփն ինքը կորոշի, թե երբ Իրանը այլևս սպառնալիք չի ներկայացնի, հայտարարել է Սպիտակ տան մամուլի քարտուղար Քերոլայն Լևիթը, պատասխանելով այն հարցին, թե ինչպիսին կլինի Թեհրանի «անվերապահ կապիտուլյացիան», ինչպես ԱՄՆ նախագահը գրել էր Truth Social սոցիալական ցանցում, հաղորդում է CNN-ը։

«Նախագահը նկատի ունի, որ երբ ինքը՝ որպես Միացյալ Նահանգների զինված ուժերի գլխավոր հրամանատար, որոշի, որ Իրանն այլևս սպառնալիք չի ներկայացնում Ամերիկայի Միացյալ Նահանգների համար և «Էպիկական ցասում» գործողության նպատակները լիովին իրականացված են, ապա Իրանը, ըստ էության, կգտնվի անվերապահ կապիտուլյացիայի վիճակում, անկախ նրանից՝ ինքն է դա ասում, թե ոչ», - լրագրողներին ասել է Լևիթը։

Նա հավելել է, որ Թեհրանում այժմ «շատ մարդիկ չկան», ովքեր կարող են որոշել երկրի դիրքորոշումը, քանի որ Միացյալ Նահանգներն ու Իսրայելը «ամբողջությամբ վերացրել են նախկին ահաբեկչական ռեժիմի ավելի քան 50 առաջնորդների, այդ թվում՝ հենց Գերագույն առաջնորդին»։