«Նիկոլ Փաշինյանն արտաքին քաղաքականությունը հոյակապ վարում է»․ Սասուն Միքայելյան

«Այսօր մենք պետք է խելոք լինենք, կարգապահ, համախմբված, որ կարողանանք այս վիճակից դուրս գալ։ Այսօր ունենք այն, ինչ ունենք, մենք սա պահենք՝ հետո պարզ կլինի, թե ինչ կլինի»,- այսօր Եռաբլուրում լրագրողների հետ զրույցում ասաց ԵԿՄ նախագահ Սասուն Միքայելյանը՝ խոսելով Արցախի թեմայից։ «Հրաժարվե՞լ»,- հարցրեց լրագրողը։ «Կա՞ որևէ մեկը, որ հրաժարվի Արցախից, իմիտացիոն հարցեր մի տվեք։ Նիկոլ Փաշինյանն արտաքին քաղաքականությունը հոյակապ վարում է, որ այսօր մեր երկրում այս պահին խաղաղություն է։ Պատկերացրեք՝ եթե արտաքին քաղաքականությունը նորմալ չվարվեր, հիմա ինչ վիճակում կլիներ ՀՀ-ն՝ ելնելով աշխարհագրական դիրքից, էլ չմանրամասնեմ, թե ումոնցով ենք մենք շրջապատված»,- պատասխանեց Միքայելյանը։