«ՌԴ-ն պատրաստ է քննարկել «Թրամփի ուղի» նախագծին միանալու հնարավորությունը»․ Կոպիրկին

Ռուսաստանն ուշադիր հետևում է հայ-ամերիկյան «Թրամփի ուղի՝ հանուն միջազգային խաղաղության և բարգավաճման» նախագծին, հայտարարել է Հայաստանում Ռուսաստանի դեսպան Սերգեյ Կոպիրկինը՝ «Россия-24»-ին տված հարցազրույցում։

«Մենք պատրաստ ենք քննարկել այս նախաձեռնությանը միանալու հնարավորությունը՝ հաշվի առնելով Ռուսաստանի և Հայաստանի միջև սերտ համագործակցությունը Հայաստանի Հանրապետությունում երկաթուղային ոլորտի պահպանման և զարգացման գործում»,- ասել է Կոպիրկինը։