Բագրատ սրբազանը կալնավայրից դիմումներ է հղել Ջեյ Դի Վենսին և միջազգային կրոնական ազատության գագաթնաժողովին

Երևանում այսօր կայացած ասուլիսի ընթացքում Christian Solidarity International կազմակերպության նախագահ Ջոն Էիբները հայտարարել է, որ ապօրինաբար կալնավորված Բագրատ սրբազանը Երևան Կենտրոն քրեակատարողական հիմնարկից նամակներ է գրել ԱՄՆ-ի փոխնախագահ Ջեյ Դի Վենսին և միջազգային կրոնական ազատության գագաթնաժողովին: Բագրատ արք. Գալստանյանն ԱՄՆ նախագահին կոչ է անում միջամտել Հայաստանում Հայ առաքելական եկեղեցու շուրջ ստեղծված իրադարձություններին:

Հաջորդ շաբաթ ակնկալվում է ԱՄՆ-ի փոխնախագահ Ջեյ Դի Վենսի այցը Հայաստան։

Իր ուղերձներում Բագրատ արք. Գալստանյանը հայտարարել է, որ իր կալանավորումը քաղաքական բնույթ ունի և պայմանավորված է Հայ Առաքելական եկեղեցու անկախ դիրքորոշմամբ։ Նա ԱՄՆ-ի փոխնախագահին կոչ է անում միջամտել՝ նպաստելու Հայաստանում և Ադրբեջանում պահվող քաղաքական բանտարկյալների ազատմանը, դադարեցնելու Հայ Առաքելական եկեղեցու նկատմամբ հետապնդումները և ապահովելու Մայր Աթոռ Սուրբ Էջմիածնի ներգրավումը հայ-ադրբեջանական խաղաղության գործընթացում։