«Իրան-ԱՄՆ-Իսրայել պատերազմը նաև քաղաքակրթական բախում է»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «Իրան-ԱՄՆ-Իսրայել պատերազմը ոչ միայն ռեսուրսների, նավթի և ուրանի հանքերին տիրանալու կռիվ է, այլև ինչ-որ առումով նաև քաղաքակրթական բախում։
Արևմուտքը ձգտում է աշխարհին պարտադրել գլոբալիզմը՝ ազգային ինքնությունից հրաժարվելու և անողնաշար դառնալու ճանապարհը, իսկ ինքը, հատկապես ԱՄՆ-ն ու Իսրայելը գնում են ազգային պետության ճանապարհով։
Գլոբալիզմը և ազգային ինքնությունից հրաժարումը լավագույն միջոցներից մեկն է պետություններին հպատակեցնելու, առանց կռվի սեփական պայմանները թելադրելու համար։ Այնպես, ինչպես հիմա անում են Թուրքիան ու Ադրբեջանը Հայաստանի կառավարության նկատմամբ։
Իրանն իր կառավարման համակարգով և ազգային մտածողությամբ չի ենթարկվում գլոբալիզմին և տարեցտարի ավելի ու ավելի է դառնում ազգային պետություն։ Իրանական ժողովրդի էթնիկ տարբեր խմբերը՝ պերսերը, ազարիները, լոռերը, բախտիարները, բալուջները, գիլակները, թալիշները ավելի ու ավելի են միավորվում պարսկական ազգային ինքնության մեջ, ինչը հակասում է Արևմուտքի նպատակներին»։