Պայթյուն՝ Երևանի Մայակ թաղամասում. կա տուժած

ՀՀ ՆԳՆ փրկարար ծառայությունը հայտնում է. «Մարտի 5-ին, ժամը 07։30-ին ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Մայակ թաղամասում՝ ավտոտնակում տեղի է ունեցել պայթյուն․ կա տուժած։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Նախնական տվյալներով՝ տեղի է ունեցել պայթյուն, մասամբ փլուզվել է երկհարկանի ավտոտնակի երկրորդ հարկը․ կա մեկ տուժած»։