«Ուզում եմ՝ մեր հայրենակիցները պատկերացնեն սպասվող աղետների մասշտաբները»․ Աննա Գրիգորյան

ԱԺ «Հայաստան» խմբակցության ղեկավար Աննա Գրիգորյանը, «Նյուզ»-ի եթերում անդրադառնալով Նիկոլ Փաշինյանի քաղաքականությանը, ասել է․ «Նա իր ռեպրեսիաներով մի քանի խնդիր է լուծում, նախ, ամեն դեպքում, ինքն ունի մի փոքր ընտրազանգված, որ, այո՛, ուրախանում է այս տեսարաններով, և վախեցնում է այն մյուս հատվածին, որն իրեն ընդդիմադիր է։ Բայց ուզում եմ՝ մեր ընդդիմադիր հայրենակիցները պատկերացնեն աղետների մասշտաբները, որ մեզ սպասվում են։ Եթե մինչև հիմա մեզ թվում էր՝ աղետները հիմնականում անցյալում են, պետք է ընդունել, որ առաջիկայում շատ գլոբալ փոփոխություններ են լինելու»։