Ճապոնիայում քարանձավային առյուծները բնակվել են դեռ մինչև մարդկանց հայտնվելը

Քարանձավային առյուծները մի քանի տասնյակ հազար տարի առաջ ապրել են Ճապոնիայի հիմնական տարածքում. սա մինչ այժմ հայտնի չէր հնէաբաններին: Այս փաստն առաջին անգամ պարզել են Ճապոնիայի առաջադեմ հետազոտությունների համալսարանի (Սոկենդայ) և այլ գիտական կենտրոնների մասնագետները, հաղորդում Է Nikkei-ը:

Հայտնագործությունն արվել է օրգանական մնացորդների գենետիկ վերլուծության հիման վրա։ Դրանք հայտնաբերվել են Աոմորի, Սիձուոկա և Յամագութի պրեֆեկտուրաներում, այսինքն՝ Հոնսյու կղզու հյուսիսից մինչև հարավ-արևմուտք: Արդյունքները համեմատվել են մոլորակի այլ շրջաններում ստացված տվյալների հետ, ինչը թույլ է տվել ճշգրիտ նույնականացնել այս նախնադարյան գիշատիչներին։ Քարանձավային առյուծներն Աֆրիկայից Եվրասիա են գաղթել մոտ մեկ միլիոն տարի առաջ: Սոկենդայի մասնագետների կարծիքով, նրանք Ճապոնիա են ժամանել մոտ 73,000 տարի առաջ՝ ցամաքային միջանցքով, որն այդ ժամանակ Ճապոնիան կապել է մայրցամաքի հետ: Քարանձավային առյուծները Ճապոնիայում անհետացել են առաջին մարդկանց ժամանումից մոտ 10,000 տարի առաջ: Մարդիկ մայրցամաքից կղզիներ են գաղթել ցամաքային միջանցքով մոտ 40,000 տարի առաջ: