«Ինչպե՞ս են քաղաքացիները գնահատում Տիգրան Ավինյանի ու վարչական շրջանների ղեկավարների աշխատանքը». #Gallup-ի հարցման արդյունքները

«GALLUP International Association» հայաստանյան ներկայացուցչության ղեկավար Արամ Նավասարդյանն այսօրվա ասուլիսի ժամանակ ներկայացրեց՝ «Ինչպե՞ս են քաղաքացիները գնահատում Երևանի քաղաքապետարանի կողմից կազմակերպված քաղաքի ամանօրյա զարդարումը» թեմայով հարցման արդյունքները: Հարցվածներից 53,2 տոկոսը նշել է շատ լավ, 32,4 տոկոսը՝ լավ, 4 տոկոսը՝ վատ, 6,3 տոկոսը՝ շատ վատ:

«Այստեղ ունենք քաղաքապետ Տիգրան Ավինյանի և վարչական շրջանների ղեկավարների աշխատանքի գնահատում. յուրաքանչյուր վարչական շրջանի ղեկավարի գնահատել են իր բնակիչները: 5 բալանի սանդղակ է: Երևանի քաղաքապետ Տիգրան Ավինյանը ստացել է 3,3 բալ, Աջափնյակը՝ 3,3, Ավանը՝ 3,6, Արաբկիրը՝ 3,3, Դավթաշենը՝ 3,3, Էրեբունին՝ 3,7, Կենտրոնը՝ 3,8, Մալաթիա-Սեբաստիան՝ 3,8, Նոր Նորքը՝ 3,3, Շենգավիթը՝ 3,7, Քանաքեռ-Զեյթունը՝ 3,4, Նորք Մարաշը՝ 3,4, Նուբարաշենը՝ 3,4»,- նշեց բանախոսը: