Իրանում բարձրաստիճան ոստիկան է սպանվել

Իրանի հարավ-արևելքում գտնվող Սիստան և Բելուջիստան նահանգում բարձրաստիճան ոստիկան է սպանվել, հաղորդում են իրանական լրատվամիջոցները։

Սպան մահացել է վաղ առավոտյան՝ «անհայտ զինված անձանց» կողմից կրակոցից հետո։ Մահացածը նույնականացվել է՝ որպես Մահմուդ Հաքիքաթ։ Լրատվամիջոցների հաղորդագրությունների համաձայն՝ նրա մեքենայի վրա կրակ են բացել անջատողական զինված խմբավորման անդամները։ Մի քանի հրապարակումներում նշվում է, որ նա քաղաքի փոխոստիկանապետն էր՝ լեյտենանտի կոչումով։

Սպանության հանգամանքները չեն բացահայտվել։

Սոցիալական ցանցերում հարձակման պատասխանատվությունը հետագայում ստանձնել է «Ժողովրդական դիմադրության ճակատը», որը ներառում է «Ջեյշ ալ-Ադլ»-ը և այլ բելուջիական կիսառազմական խմբավորումներ։