Երևան`   -9 °C
Այսօր`   Երեքշաբթի, 30 դեկտեմբերի, 2025 թ.

«Առաջին ձյունը, Վերին Լարսն ու մեր ինքնիշխանությունը». Սամվել Ֆարմանյան

78
Այսօր, 01:06
«Առաջին ձյունը, Վերին Լարսն ու մեր ինքնիշխանությունը». Սամվել Ֆարմանյան

ԱԺ նախկին պատգամավոր Սամվել Ֆարմանյանը ֆեյսբուքյան իր էջում գրում է․ «Կրկին. առաջին ձյունը, Վերին Լարսն ու մեր ինքնիշխանությունը.
Առատ ձյուն տեղաց կամ ուժեղ անձրև եկավ՝ Երևանի ու միջքաղաքային ճանապարհներին ավանդական կոլապս է: Ամեն տարի նույնը:
Վերին Լարսը փակվեց մի քանի օր՝ երկրում տնտեսական փոթորիկ ու ապոկալիպսիսի սպասում է: Ամեն անգամ նույնը:
Բայց անգամ նման նվաստացուցիչ ինքնապտակները մեզ չեն խանգարում տաղավարից տաղավար վազել ու ճամարտակել ինքնիշխանության մասին:
Իսկ թե հանկարծ ականջներիս հասնի «աշխարհը մերն ա, մերն ա...» երգի կախարդական հնչյուննե՜րը, ինքնիշխանությունը տեղում դարձնում ենք գործողության մեջ դրված ինքնամոռաց տսուվերենություն:
Հ.Գ. Ես անգամ կարգելեի ինքնիշխանություն բառի օգտագործումը, քանի դեռ գոնե այս երկու պարզ հարցը լուծել չենք կարողացել: Իրոք, ամոթ է»:

Աղբյուրը`   Սամվել Ֆարմանյան