Նեթանյահուի հետ հանդիպման ժամանակ Թրամփն սպառնացել է ոչնչացնել Իրանը

Ինչպես հայտնել ենք, ԱՄՆ-ի նախագահ Դոնալդ Թրամփը հյուրընկալել է Իսրայելի վարչապետ Բենիամին Նեթանյահուին Ֆլորիդայի իր Մար-ա-Լագո նստավայրում։
«Հիմա ես լսում եմ, որ Իրանը փորձում է վերականգնել իր ուժը, և եթե դա այդպես է, մենք ստիպված կլինենք ոչնչացնել նրանց։ Մենք նրանց ջախջախիչ հարված ենք հասցնելու, բայց հուսով եմ՝ դա տեղի չի ունենա։ Ես լսում եմ, որ Իրանը ցանկանում է գործարք կնքել։ Եթե նրանք ցանկանում են գործարք կնքել, դա շատ ավելի խելամիտ է: Նրանք կարող էին գործարք կնքել անցյալ անգամ, նախքան մենք խոշոր հարձակում կսկսեինք», - ասել է Թրամփը Իսրայելի առաջնորդի հետ հանդիպման ժամանակ։