«Օսմանյան կայսրության տնտեսության կեսից ավելին հայերի ձեռքում էր, բայց դա ետ չպահեց թուրքերին ցեղասպանություն անելուց». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ինչպես արդեն խոսել ենք, այս սնանկ և տգետ իշխանությունները հիմա էլ իրենց աննորմալ քաղաքականությունն արդարացնելու համար վերցրել են մի թեզ, որը երբեք չի աշխատել՝ «տնտեսական ինտեգրացիան պատերազմը կդարձնի անիմաստ»։ Ըստ այս փուչիկ թեզի «պնդիչների», եթե սկսենք շատ առեւտուր անել Ադրբեջանի և Թուրքիայի հետ, նրանք էլ պատերազմ չեն սկսի ու մեր հողերի նկատմամբ հավակնություններ չեն ունենա։
Սակայն այս աննորմալները մոռանում են ավելացնել, որ թեպետ Օսմանյան կայսրության տնտեսության կեսից ավելին հայերի ձեռքում էր, այնուամենայնիվ, դա ետ չպահեց թուրքերին ցեղասպանություն անելուց։
Այս աննորմալները նաև մոռանում են ասել, որ թեպետ Ռուսաստանն ու Ուկրաինան մեծ առեւտրաշրջանառություն ունեին և ռուսական նավթա-գազային արտահանումը Եվրոպա նաև Ուկրաինայի տարածքով էր անցնում, սակայն դա չխանգարեց, որպեսզի Ռուսաստանը սկսի ռազմական օպերացիան ընդդեմ Ուկրաինայի։
Այս աննորմալները նաև մոռանում են պատմել, որ թեպետ Վրաստանի և Ադրբեջանի միջև կան խորը կոմունիկացիոն և տնտեսական փոխհարաբերություններ, այնուամենայնիվ Դավիթ-Գարաջիի համար պայքարը տարիներ առաջ քիչ էր մնում վերածվեր ռազմական բախման...
Հայաստանի և Ադրբեջանի տնտեսական, էներգետիկ, կոմունիկացիոն հնարավորությունների փոխկապակցվածությունը ո՛չ թե փոխշահավետ հարաբերություններ է ստեղծելու, այլ նոր պատերազմի առիթ...»։