«Լոնդոն այցից առաջ Մատենադարանից «տպավորության» ի՞նչ պաշար է հավաքել ԱԽ քարտուղարը». Հակոբ Բադալյան

Քաղաքական մեկնաբան Հակոբ թելեգրամյան գրառումը. «Այսօր տարածվել է մի հետաքրքիր տեղեկություն:

Տարածողը Մատենադարանի ֆեյսբուքյան էջն է, իսկ տեղեկությունը այն մասին է, որ Մատենադարան է այցելել ԱԽ քարտուղար Արմեն Գրիգորյանը: Կարդում ենք. «Արմեն Գրիգորյանը հիմնական և ժամանակավոր ցուցադրություններին ծանոթանալուց զատ՝ ծանոթացել է նաև անվտանգային և վերականգնման ենթակառուցվածքներին, այցելել է ձեռագրերի կենսաքիմիական հետազոտությունների լաբորատորիա:

Անվտանգության խորհրդի քարտուղարը մեծապես կարևորել է Մատենադարանի հավաքածուների համաքրիստոնեական նշանակությունը և կառույցի առաքելությունը՝ այդ արժեքների միջազգայնացման գործում»:

Համաձայնեք, հետաքրքիր է, հատկապես, երբ ուշադրություն են դարձնում, որ Արմեն Գրիգորյանը Մատենադարան է այցելել փաստորեն Լոնդոն կատարելիք այցից առաջ: ԱԽ-ն ավելի վաղ ազդարարել էր, որ դեկտեմբերի 17-18-ը նա կայցելի Լոնդոն, որտեղ կունենա երկկողմ հանդիպումներ: Թե հատկապես ի՞նչ հանդիպումներ, ո՞ւմ հետ, ի՞նչ օրակարգով, ԱԽ-ն չի հայտնում մանրամասներ:

Կա՞ ուղիղ կապ Լոնդոնի «ճանապարհին» Մատենադարան այցի, այդ այցի ընթացքում «հավաքածուների համաքրիստոնեական նշանակության ու այդ արժեքների միջազգայնացման» կարեւորությունն արձանագրելու հետ:

Լոնդոնում կարո՞ղ են քննարկվել «համաքրիստոնեական» հարցեր, հատկապես եթե նկատի ունենանք այն, որ հոկտեմբերի 23-ին Վատիկանի Սիքստինյան մատուռում տեղի ունեցավ պատմական մի իրադարձություն՝ վերջին 500 տարվա մեջ առաջին անգամ համատեղ աղոթք իրականացրին Հռոմի Պապն ու Անգլիական Եկեղեցու առաջնորդը՝ Բրիտանիայի թագավոր Չարլզը:

1534 թվականից ի վեր, երբ բրիտանական գահը անջատվեց Սուրբ Աթոռից եւ հիմնվեց անգլիական եկեղեցին, որի գլուխը Բրիտանիայի թագավորն է, չի եղել Պապի եւ Բրիտանիայի գահակալի համատեղ աղոթք, եւ ահա 2025 թվականի հոկտեմբերի 23-ին հայտարարվեց Սիքստինյան մատուռում այդ աղոթքի, փաստորեն գրեթե՝ «համաքրիստոնեական» աղոթքի մասին:

Լոնդոն այցից առաջ Մատենադարանից «տպավորության» ի՞նչ պաշար է հավաքել ԱԽ քարտուղարը»: