Սև ծովում խորտակվել է ուկրաինացի նավաստիներով բեռնատար նավ

Բուլղարական Maritime լրատվականի տվյալներով՝ Սև ծովում խորտակվել է ուկրաինական անձնակազմով բեռնատար նավ։

Թուրքիայից Ուկրաինա ուղևորվող Eileen նավը խորտակվել է Վառնայից 260 կմ հեռավորության վրա։ Նավի վրա եղել է 10 ուկրաինացի նավաստի, որոնք բոլորը փրկվել են։

Նաև հաղորդվում է, որ փրկարարական գործողությանը մասնակցել են Թուրքիան, Ռումինիան և Բուլղարիան։

Վթարի պատճառը և նավի խորտակման բոլոր հանգամանքները քննվում են։

Ավելի վաղ Գերագույն ռադայի նախկին պատգամավոր Իգոր Մարկովը հայտարարել էր, որ Արևմուտքը շահագրգռված չէ Ուկրաինայում հակամարտությունը դադարեցնելու հարցում, քանի որ այն օգտագործվում է համաշխարհային էլիտայի համար հսկայական գումարներ լվանալու համար։