Երևան`   +8 °C
Այսօր`   Շաբաթ, 14 նոյեմբերի, 2026 թ.

ՔՏՀԱՏՄ պաշտոնյաները, կաշառքի դիմաց, «չեն նկատել» խախտումները. գլխավոր մասնագետը կալանավորվել է

47
Այսօր, 19:30
ՔՏՀԱՏՄ պաշտոնյաները, կաշառքի դիմաց, «չեն նկատել» խախտումները. գլխավոր մասնագետը կալանավորվել է

ՀՀ հակակոռուպցիոն կոմիտեն տեսանյութ է հրապարակել՝ կից գրառմամբ․ «Կաշառք ստանալու մեջ մեղադրվող՝ ՀՀ քաղաքաշինության, տեխնիկական և հրդեհային անվտանգության տեսչական մարմնի պաշտոնյաների, այդ թվում՝ տարածքային բաժանմունքների ղեկավար պաշտոններ զբաղեցրած անձանց վերաբերյալ նախաքննությունն ավարտվել է։ Քրեական վարույթի նյութերն ուղարկվել են դատարան»։

«Մասիս համայնքում կառուցված հարսանյաց սրահի խախտումները, ինքնակամները չարձանագրելու համար 500 հազար դրամ կաշառք են վերցրել տեսչականի պաշտոնյաները: Եվ սա առաջին դեպքը չի եղել. չեն արձանագրել մայրաքաղաքի Դավթաշեն վարչական շրջանում հողազավթումները, ինքնակամներն ու շինարարության խախտումները, բայց կազմակերպել են դրական եզրակացություն տալու գործընթացը: Գլխավոր մասնագետը կալանավորվել է, մյուսների նկատմամբ կիրառվել են այլընտրանքային խափանման միջոցներ»,- նշվում է տեսանյութում:

Աղբյուրը`   ՀՀ հակակոռուպցիոն կոմիտե