«Կցանկանայի վերացնել Իրանի դեմ պատժամիջոցները»․ Թրամփ

ԱՄՆ նախագահ Դոնալդ Թրամփն Իսրայելի վարչապետ Բենիամին Նեթանյահուի հետ հանդիպման ժամանակ ցանկություն է հայտնել վերացնել Իրանի դեմ պատժամիջոցները։

«Մենք վերացրեցինք Սիրիայի նկատմամբ պատժամիջոցները, քանի որ ուզում ենք նրանց հնարավորություն տալ, և ես շատ կցանկանայի պատեհ ժամանակին վերացնել Իրանի նկատմամբ պատժամիջոցները՝ նրանց հնարավորություն տալ վերականգնվելու, քանի որ կցանկանայի տեսնել Իրանի խաղաղ վերականգնումը։

Հուսով եմ՝ այլևս ստիպված չեմ լինի հարձակվել Իրանի վրա։ Դժվար է պատկերացնել, որ ես կցանկանամ դա անել։ Եվ դժվար է պատկերացնել, որ նրանք կցանկանային դա։

Իրանցիները ցանկանում են հանդիպում ունենալ, նրանք ցանկանում են կարգավորել իրավիճակը, և այդ հանդիպումը շատ շուտով կկայանա»,- ասել է Թրամփը։

Ավելի վաղ հաղորդվել էր, որ Մերձավոր Արևելքի հարցերով ԱՄՆ նախագահի հատուկ բանագնաց Սթիվ Ուիթքոֆը հայտնել է հաջորդ շաբաթ Իրանի հետ հավանական հանդիպման մասին։