Իսրայելը հարվածել է Եմենին. պատասխանը չի ուշացել

Եմենի Հոդեյդա նավահանգստում գտնվող իրանամետ հութիների դիրքերը ենթարկվել են իսրայելական բանակի օդային հարվածներին։

Իսրայելական Channel 14 հեռուստաալիքի հաղորդմամբ՝ Եմենում հութիների վրա հարձակումների ժամանակ Իսրայելի ռազմաօդային ուժերը 56 ռումբ են նետել։

Ավելի ուշ իսրայելական աղբյուրները հայտնել են, որ Եմենից հրթիռային հարվածներ են իրականացվել Իսրայելի ուղղությամբ։

Իսրայելի պաշտպանության բանակը հաստատել է Եմենից երկու բալիստիկ հրթիռների արձակման փաստը։

Ըստ իսրայելական լրատվամիջոցների՝ տագնապի ազդանշաններ են հնչել Մեռյալ ծովի տարածքում և երկրի արևմուտքում։