Անթալիայում առյուծը հարձակվել է տեղի բնակչի վրա

Թուրքական Անթալիա հանգստավայրի Մանավգատ շրջանում գտնվող կենդանաբանական այգում իր վանդակից փախած առյուծը հարձակվել է տեղի բնակչի վրա։ Կենդանուն բռնելու աշխատանքները շարունակվում են անօդաչու թռչող սարքերի օգնությամբ, հաղորդում է Hürriyet թերթը: «Մանավգատի Իլիջա շրջանում գտնվող D-400 մայրուղու վրա գտնվող Lion Land կենդանաբանական այգում Զևս անունով արու առյուծը փախել է իր վանդակից: Առյուծը հարձակվել է այգուց մեկ կիլոմետր հեռավորության վրա աշխատող Սուլեյման Քիրի վրա և ծանր վիրավորել նրան: Երբ դեպքի մասին հայտնի է դարձել, բժշկական խումբը Սուլեյման Քիրին տեղափոխել է հիվանդանոց», - հաղորդում է թերթը: