«Չենք կարող սատարել մի մարդու, ով այս ողբերգություններին մասնակից է եղել»․ Սերժ Սարգսյան

«Ինչքան ուզում է, թող ջանքեր գործադրի․․․ Խմբակցությունը քննարկել և այդ թեկնածուի մասին իր կարծիքը հայտնել է»,- այս մասին լրագրողների հետ զրույցում ասաց ՀՀ երրորդ նախագահ Սերժ Սարգսյանը՝ անդրադառնալով Էդմոն Մարուքյանի՝ վարչապետի թեկնածությանը և դիտարկմանը, որ նա ջանքեր է գործադրում և սպասում, որ միանան իրեն։

«Նվազագույն չափանիշներ պետք է լինեն, մենք չենք կարող քվեարկել մի մարդու օգտին կամ սատարել նույնիսկ փողոցով նրան, ով այսօրվա Հայաստանի կառավարիչներից մեկն է եղել, նրանց հետ է աշխատել, այս ամբողջ ողբերգություններին մասնակից է եղել»,- ընդգծեց Սարգսյանը՝ հավելելով՝ մենք իրեն չենք տանում դատում, ասում ենք՝ դու չես կարող, մենք տեսել ենք քո գործելաոճը։