«Երբ 100 հազար մարդ էր հավաքվել հրապարակում, ինչո՞ւ անվստահության գործընթաց չսկսեցիք»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Երբ Սրբազան շարժումը մոտ 100 հազար մարդ էր հավաքել հրապարակում, ինչո՞ւ Փաշինյանին անվստահության գործընթաց չէիք սկսում։
Նախկին նախագահ Ռոբերտ Քոչարյանը չի միանում Նիկոլ Փաշինյանին անվստահության գործընթացին՝ դա համարելով ոչ իրատեսական և նույնիսկ կասկածելի նպատակներով իրականացվող, ասելով․ «Վստահ չեք, որ Փաշինյանը դեմ է այդ գործընթացին։ Ինքը կարող է շահել՝ ստանալով 6 ամսվա իմունիտետ։ Սա զրոյի հավանականություն ունեցող պրոցես է, որի մեջ մտնելը ինձ չի հետաքրքրում։ Ոմանց երազանքն է թեկնածու լինել թեկուզ 48 ժամ։ Մենք նրանց դեկորացիան չենք լինելու»։
2024թ․ մայիսի 9-ին երբ Սրբազան շարժումը Երևանի Հանրապետության հրապարակում մոտ 100 հազար մարդ էր հավաքել, ինչո՞ւ այդ ժամանակ Ն․ Փաշինյանին անվստահության գործընթաց չէիք սկսում։ 2022 թվականի օգոստոսից, երբ օրենքով կարող էիք անվստահություն հայտնել Փաշինյանին, մինչև հիմա ինչո՞ւ այդ գործընթացը չեք իրականացրել, սպասում եք, որ նա Վերին Ոսկեպարը, Սոֆուլուն, Բարխուդարլուն, Զանգեզուրի միջանցքը տա Ադրբեջանի՞ն»: