«Ի վիճակի եմ ճգնաժամային իրավիճակում կառավարել երկիրը»․ Ռոբերտ Քոչարյան

«Իմ անցյալը հուշում է, որ ի վիճակի եմ ճգնաժամային իրավիճակներում արդյունավետ կառավարել, ինչը հաջողությամբ արել եմ»,- հարցազրույցի ժամանակ ասաց երկրորդ նախագահ Ռոբերտ Քոչարյանը՝ հավելելով, որ ինքն է այն մարդը, որ կարող է լուծել առկա խնդիրները․ «Սա այն դեպքը չի, որ դա ինձ պետք է ինչ-որ բանի համար, հակառակը, դա ինձ համար այսօր ծանր բեռ է, ես ուրախ կլինեմ իմ ազատ կյանքով ապրել»,- նշեց նա՝ հավելելով, որ ընդհանուր առմամբ գիտի, թե ինչպես պետք է խնդիրները լուծել․ «Ասել, որ ամեն մի կետերով, ծրագրերով գիտեմ, իհարկե ոչ, պետք է իրենց մասնագիտությանը տիրապետող թիմ հավաքել»:
Խոսելով ներկայիս կառավարության մասին՝ մեջբերեց հայտնի խոսքերը, որ երբ տգետը դառնում է թագավոր, իր շուրջը հավաքում է իրենից տգետ մարդկանց։ «Մեր ամենամեծ խնդիրը կառավարման խնդիրն է։ ժողովրդին «կռոլիկ» են դարձրել, փորձեր են անում»,- ասաց Քոչարյանը