«Որևէ մեկը լուրջ կարծում է, թե Արարատ սարի վրա աչք ունե՞նք»․ Ռոբերտ Քոչարյան

«Նիկոլ Փաշինյանն «Իրական Հայաստան»-ն ավելի շատ տեսնում է «Արևմտյան Ադրբեջան» կոնտեքստի մեջ, այդպիսի տպավորություն ունեմ»,- հարցազրույցի ժամանակ ասաց երկրորդ նախագահ Ռոբերտ Քոչարյանը՝ անդրադառնալով Արարատ լեռը մերը չհամարելու և «Իրական Հայաստան»-ի թեզերին․ «Կարծում եք՝ որևէ մեկը լուրջ կարծում է, թե Արարատ սարի վրա աչք ունե՞նք. այն մեզ համար սիմվոլ է։ Երբևէ որևէ ողջամիտ քաղաքական կոչ լսե՞լ եք, որ ասենք՝ գնանք, Արարատը գրավենք։ Այն մեր ազգային ինքնության հարցն է։ Հիմա ինչ անում է այդ տեսանկյունից, ոչ թե Թուրքիայի համար է անում, այլ ազգային սիմվոլներն է քանդում»,- ասաց Քոչարյանը։