«4-րդ տարին է՝ ՌԴ-ն Ուկրաինայի դեմ պատերազմ է մղում, բայց այդպես էլ չի հասնում գլխավոր նպատակին»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը. «Չորրորդ տարին է, ինչ Ռուսաստանն Ուկրաինայի դեմ լայնածավալ պատերազմ է մղում, բայց այդպես էլ չի հասնում գլխավոր նպատակին՝ ապալեգիտիմացնել Զելենսկուն, Գերագույն ռադան, խարխլել այդ երկրի քաղաքական համակարգը: Իսկ առանց դրա ոչ մի տարածքային նվաճում հաստատուն չէ: Նույնիսկ կոմունիստական վարչախմբի օրոք Արևելյան Եվրոպայի երկրներում չորս հակախորհրդային ապստամբություն է բռնկվել. 1956-ին՝ Հունգարիայում, 1961-62-ին՝ Արևելյան Բեռլինում, 1968-ին՝ Չեխոսլովակիայում, 1980-ին՝ Լեհաստանում: Ես ռուս ժողովրդի դեմ ոչինչ չունեմ և գիտեմ, որ Ուկրաինան Ադրբեջանին ոչ միայն սպառազինություններ է մատակարարել և քաղաքական աջակցություն ցուցաբերել, այլև տվել պրոֆեսիոնալ վարձակններ, որոնցից մեկն արժանացել է Ադրբեջանի ազգային հերոսի կոչման, բայց քանի որ նրա ռազմավարական պարտությունը սպառնալիք է Հայաստանի անկախությանը, տարածքային ամբողջականությանը, հայ ժողովրդի քաղաքակրթական ինքնությանը, ուրեմն ես ցանկանում եմ, որ պարտվի Պուտինը»։