«Անբարո արդարացումներ են ման գալիս իրենց ցանկացած դավաճանության հետևում». Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը. «Հասկանում եք չէ, թե սրանք ինչ անբարո արդարացումներ են ման գալիս իրենց ցանկացած դավաճանության հետևում:
«Շուշին դժգույն ու դժբախտ քաղաք էր», «Արցախցիները չեն կռվել», «Երբ զինակոչիկներին Հայաստանից Ղարաբաղ էին տանում, ծնողները սգի մեջ էին հայտնվում» ու նմանատիպ հազարավոր խառնակիչ մտքեր ու խոսույթ բանեցնելով, Արցախի հանձնումից հետո իշխանականները վաղը չէ մյուս օր նոր արդարացումներ ման կգան Հայաստանի տարածքների հանձնման մասով, չնայած Սև լճի, Ջերմուկի, Վերին Շորժայի դեպքերում նման մտքեր արդեն լսել ենք...
Մարդիկ էլ պետք է վերջիվերջո հասկանան, և շատերը հասկացել են արդեն, որ, եթե այն ժամանակ առաջնագիծը Արցախի Մարտունին, Մարտակերտն ու Ասկերանն էին, հիմա առաջնագիծը Մեղրին, Կապանն ու Գորիսն են, վտանգներն ու հեռավորությունն էլ գրեթե նույնը...իսկ թե իշխանականների կողմից ինչ հեշտությամբ կարող են Նոյեմբերյանն ու Բերդը, Վարդենիսն ու Սիսիանը վերածվել դժգույն ու դժբախտ քաղաքների, դրանում արդեն որևէ մեկը կասկած չունի...»: