Նյու Մեքսիկոյում հրաձգության հետևանքով մահացել է երեք, վիրավորվել` 16 մարդ

ԱՄՆ Նյու Մեքսիկո նահանգում հրաձգության հետևանքով զոհվել է երեք մարդ, վիրավորվել՝ 16-ը, հայտնում է New York Times-ը։

«Նյու Մեքսիկո նահանգի Լաս Կրուսես քաղաքի զբոսայգում հրաձգության հետևանքով երեք մարդ է զոհվել, առնվազն 16-ը՝ վիրավորվել», - հաղորդում է լրատվամիջոցը։

Միջադեպը տեղի է ունեցել սպորտային մեքենաների սեփականատերերի ամենամսյա հանդիպման ժամանակ, որին մասնակցում էր մոտ 200 մարդ։

Նրանցից մի քանիսի միջև վիճաբանություն է սկսվել, որն ավարտվել է կրակոցներով։

Ոստիկանությունը պարզում է դեպքի հանգամանքները։