«Փաշինյանի` խաղաղության պատրաստ լինելը ինձ հիշեցրեց մի հետաքրքիր դեպք». Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը. «Փաշինյանի՝ խաղաղության պատրաստ լինելը ինձ հիշեցրեց մի հետաքրքիր դեպք, որը ժամանակին պատմել էր ավագ սերնդի քաղաքական գործիչներից մեկը։ Պատմությունը իր բուն էությամբ հանրայնացման ենթակա չէ, դրա համար ես ստիպված եմ ինչ-որ բաներ «մեղմել» այն հրապարակելու համար։
Ուրեմն, ԼՂԻՄ Ժողովրդական պատգամավորների մարզային խորհրդի գործկոմի նախագահին է դիմում աշխատող աղջիկներից մեկը և պնդում, որ պաշտոնյաներից մեկը իրեն բռնաբարել է։ Գործկոմի նախագահը ճշտող հարց է տալիս՝ իսկ որտեղ։ Աղջիկը պատասխանում է, որ պաշտոնյայի հետ առանձին սենյակ են գնացել, որտեղ էլ դեպքը տեղի է ունեցել։
Գործկոմի նախագահը, քիչ մտածելուց հետո, ասում է. «Եթե դու թույլ ես տվել քեզ տղամարդու հետ առանձին սենյակ գնալ, կուսակցությունն էլ թույլ է տալիս հետո տեղի ունեցած գործողությունը»։
Հիմա վախենում եմ, որ Փաշինյանի կողմից Ալիևին թույլ տվածը միջազգային գործընկերները հաշվի առնեն և դրանից ելնելով՝ առանձնակի ուշադրության չարժանացնեն բռնապետի հաջորդող քայլերը»: