«Խնդիրն այն է, որ շարունակում ենք փնտրել մեր մասնակցությունը չպահանջող լուծումներ»․ Սուրեն Պետրոսյան

«Ժողովրդավարական համախմբում» կուսակցության նախագահ Սուրեն Պետրոսյանի ֆեյսբուքյան գրառումը. «Լսել և զարմանալ, որ Նիկոլ Փաշինյանը ցանկանում է կապիտուլյացիոն պայմանագիր ստորագրել, նույնն է, ինչ լսել ու զարմանալ, որ երկրագունդը կլոր է:
Մեր ամենամեծ խնդիրն այն է, որ մենք նույնիսկ այս վիճակում շարունակում ենք փնտրել միայն այնպիսի լուծումներ, որոնք չեն պահանջում մեր մասնակցությունը:
Եթե նույնիսկ ինչ-որ մի ժամանակ լինի այդպիսի լուծում, ապա այն բացառապես սպասարկելու է այլոց շահերը, նրանց՝ ովքեր եղել են դրա իրագործողները:
Այս ճգնաժամն ունի շատ հստակ և իրագործելի լուծում, որի առաջին քայլը պետք է լինի նման կերպ լուծում փնտրելու մոտեցումից հրաժարվելը»։