Իտալիան առաջարկել է իրեն տալ «Մոնա Լիզային»

Այն բանից հետո, երբ վերջերս թերթերում տեղեկություններ հայտնվեցին ֆրանսիական ամենանշանավոր թանգարաններից մեկի՝ Լուվրի ցուցասրահների ողբալի վիճակի մասին, որոշ իտալացի պաշտոնյաներ շտապեցին պատրաստակամություն հայտնել Լեոնարդե Դա Վինչիի «Մոնա Լիզային» ժամանակավոր «հյուրընկալելու» մասին:
Օրերս ֆրանսիական լրատվամիջոցները հրապարակել էին Լուվրի տնօրեն Լորանս դե Կարի ծառայողական նամակն ուղղված Մշակույթի նախարարին, որտեղ նա թանգարանի ֆոնդի վիճակը գնահատել է «Մտահոգության աստիճանի հին»: Դա թույլ է տվել մասնագետներին եզրակացնել, որ ցուցասրահների ջերմաստիճանի վտանգավոր տատանումները կարող են անդառնալի ազդեցություն ունենալ ցուցանմուշների պահպանության վրա:
Այս կապակցությամբ իտալական Միլան քաղաքի որոշ պաշտոնյաներ առաջարկել են ժամանակավորապես Լոմբարդիա տեղափոխել «Մոնա Լիզային»՝ այս առաջարկը բացատրելով նրանով, որ կտավը հնարավորություն կունենան տեսնել այն հազարավոր այցելուները, որոնք կմասնակցեն 2026 թվականին Միլանում անցկացվելիք Օլիմպիական խաղերին: