«ԵՄ-ն Ուկրաինային առաջարկել է հանքային ռեսուրսների սեփական գործարքը»․ #AFP

Եվրոմիությունն Ուկրաինային առաջարկել է հանքային ռեսուրսների վերաբերյալ սեփական գործարքը, հայտնում է AFP-ն՝ վկայակոչելով Եվրոպական հանձնաժողովի արդյունաբերական ռազմավարության գծով փոխնախագահ Ստեֆան Սեժուրնեին։
«Եվրոպային անհրաժեշտ 30 հիմնական հանքային նյութերից 21-ը կարող է տրամադրել Ուկրաինան՝ փոխշահավետ գործընկերության շրջանակներում», - ասել է եվրոհանձնակատարը։

Սեժուրնեն գործարքն առաջարկել է Եվրահանձնաժողովի ղեկավար Ուրսուլա ֆոն դեր Լեյենի հետ Կիև կատարած այցի ժամանակ, նշում է հրատարակությունը։

«Եվրոպայի առաջարկած հավելարժեքն այն է, որ մենք երբեք չենք պահանջի գործարք, որը փոխշահավետ չէ», - հավելել է նա:

Հիշեցնենք, որ Եվրոպայի խորհրդի նախագահ Անտոնիու Կոշտան ավելի վաղ հայտարարել էր, Որ ԵՄ-ն Ուկրաինային տրամադրված օգնության դիմաց հանքային ռեսուրսներ չի պահանջի։