«Թրամփը նվաստացրել է Մակրոնին՝ նրան նստեցնելով սեղանի ծայրին»․ #DE

ԱՄՆ նախագահ Դոնալդ Թրամփը նվաստացրել է իր ֆրանսիացի գործընկեր Էմանուել Մակրոնին Սպիտակ տուն կատարած այցի ժամանակ։ Նման կարծիք է հայտնել բրիտանական Daily Express տաբլոիդը։

Մեծ Յոթնյակի օնլայն գագաթնաժողովին Ֆրանսիայի նախագահը մասնակցեց Թրամփի աշխատասենյակից, որտեղ նրան տեղ են տվել սեղանի ծայրին։

Հրատարակությունը նշում է, որ Ֆրանսիայի նախագահը կարծես անհարմար էր զգում հյուրերի նստատեղերի դասավորությունից։

Ավելի վաղ հայտնի էր դարձել, որ Թրամփը դուրս չի եկել ողջունելու իր ֆրանսիացի գործընկերոջը։ «Ոչ մի պաշտոնական ընդունելություն Սպիտակ տուն ժամանած Էմանուել Մակրոնի համար։ Սա խոսում է Վաշինգթոնի համար Ֆրանսիայի կարևորության մասին», - նշում է RFI-ի լրագրող Դեյվիդ Թոմփսոնը: