«30 եվրոպական երկրներ պատրաստ են անվտանգության երաշխիքներ տրամադրել Ուկրաինային»․ Մակրոն

Մոտ 30 եվրոպական երկրներ պատրաստ են մասնակցել Ուկրաինայի անվտանգության երաշխիքների տրամադրմանը, Fox News-ին տված հարցազրույցում ասել է Ֆրանսիայի նախագահ Էմանուել Մակրոնը։

«Ես խոսել եմ եվրոպացի 30 առաջնորդների և դաշնակիցների հետ, և նրանցից շատերը պատրաստ են նման գործարքի մաս կազմել՝ այս կամ այն ձևով անվտանգության երաշխիքներ տրամադրել», - ասել է նա:

Մակրոնը հավելել է, որ այս պետություններն ԱՄՆ-ից «համերաշխության ազդանշան» են ակնկալում, եթե Ռուսաստանը խախտի պայմանավորվածությունները։

ԱՄՆ նախագահ Դոնալդ Թրամփն ավելի վաղ հայտարարել էր, որ խնդիր չի տեսնում եվրոպացի զինծառայողներին որպես խաղաղապահներ Ուկրաինա ուղարկելու հարցում։

Հիշեցնենք, որ Ուկրաինայի նախագահ Վլադիմիր Զելենսկին հայտնել էր, որ անվտանգության երաշխիքներ է ակնկալում ԱՄՆ-ից, Եվրոմիությունից և ողջ Եվրոպայից։